Berriak
2012an gidabaimena euskaraz atera dutenei aitorpena
Iaz, 30 lagunek atera zuten gidabaimena euskaraz, eta ahalegin hori aitortu nahi izan die gaur Udalak lagun horiei: lorpen hori txalotzeko, diploma bana eman die, eta guztien artean bi afari zozkatu ditu, opari gisa.Gorka Zubizarreta eta Borja Zubizarretak irabazi dituzte bi afariok. Agurtzane Epelde Euskara zinegotziak banan bana zoriondu ditu gidabaimena euskaraz atera duten lagunak, eta Etxaniz Autoeskolari bereziki eskertu dio euskararen alde urteetan egiten ari den ahalegina.
Tortila onena, Usabiaga, Aierdi eta Gerrerorena
Unai Usabiaga, Jon Joseba Aierdi eta Jon Gerrerok egin dute 2013ko Gazte Asteko tortila goxoena. Hala erabaki du, behintzat, Pello Bastarrika alkateak eta Iñaxio Gorosabel eta Ibon Arrieta zinegotziek osatutako epaimahaiak. Guztira 14 taldek hartu dute parte beste horrenbeste tortila eginda, eta txapelketa egin ostean, guztien artean jan dituzte prestatutako tortilak. Arratsaldean mus eta eskoba txapelketa egingo dituzte, Artxamendin.
Erregeen kabalgatan paje gisa ateratzeko boluntarioak behar dira
Etzi (larunbata) egingo den Erregeen kabalgatan paje gisa ateratzeko boluntarioak behar dira. Horregatik, kabalgatan antortxekin ateratzeko prest daudenei 18:30ean Santa Klarara agertzeko dei egiten die Udalak, beharrezko jantziak jantzi, aurpegia margotu eta guztia antolatzeko. Kabalgata 19:30ean hasiko da.
Gaur eta ostiralean, haurrentzako zine emanaldi berezia, euskaraz
Umeentzako zine emanaldi berezian antolatu ditu Kultura sailak gaur (asteazkena) eta ostiralean. Txikienei zuzendutako bi filma emango dira, biak euskaraz. Gaur, ' The wish fish" pelikula egongo da ikusgai, eta ostiralean, "Malutatxo". Bai gaurko eta bai ostiraleko emanaldiak 17:15ean izango dira.
Hasi da Gaztea Astea, Scalestrix eta bideo jokoekin
Gaurtik (asteazkena) asteburura bitartean Gazte Astea izango da herrian, Udalaren Gazteria Sailak antolatuta. Goizean hasi dira ekintzak, Artxamendin, eta dagoeneko Scalestrixean, bideo jokoetan eta ping-pong-ean jolasten ari dira haur eta gazteak. Arratsaldean, berriz, taillerrak izango dira, eta bihar patata tortila eta mus eta eskoba txapelketa. Etzi amaituko dute Gazte Astea, futbito txapelketa eta merendolarekin. Hemen duzue egitarau osoa.
Mila lagunetik gora ibili da Gabonetako Haur parkean
Larunbatean itxi zituen ateak Gabonetako haur parkeak eta arrakasta itzela izan du irekita egon den hiru egunetan: 1.000 lagun baino gehiagok hartu dute parte da bertan antolatutako ekintzetan. Puzgarriak, margotzeko tailerrak... adin guztietako umeen neurrirako ekintzak egin dituzte aurtengoan ere, guztiak ere dinamizatzaileek gidatuta, eta ondo baino hobeto gozatu dute bertaratu diren ume zein gurasoek. Ostegun eta ostiralean ibili da lagun gehien, behin behineko datuen arabera.
Herriari ikutu berezia eman dio Gabonetako azokak
Aurten, aurreneko aldiz, Gabonetako azoka berezia egin da abenduaren 27tik 30era, eta herriko plaza inguruak ikutu berezia hartu du. Artisauak, jakiak, taberna berezia, aurrentzako garai bateko jokuak... Ekintza ugari izan dira egunotan, musika eta kale ikuskizunez bustita, eta horrek jende ugari erakarri du plazara. "Bertaratu diren herritarrek gustura hartu dute ekimena, egun hauetako kale giroa animatzeko balio izan duelako".
Langileei 2013ko ekaineko ezohiko ordainsaria aurreratzea erabaki du Udalak, eta neuri hori politikariei ere ezartzea
Ez ohiko udalbatza izan zen atzo (osteguna) eta besteak beste, langileen abenduko ezohiko ordainsaria nola bideratu erabaki zen bertan. Langileekin aurretik adostuta, 2013ko ekaineko ordainsaria aurreratzea erabaki du Udalak eta ordainsari hori urtarrilean kobratuko dute langileek. Neurri hori berez langileei soilik dagokie eta politikariek kobratu dezakete abenduko ordainsaria baina langileekin bat egin eta euren buruari ere neurri bera ezartzea erabaki du udal gobernuak. Horrez gain, 2013ko tasa definitiboak ere onartu ziren atzoko saioan (dagozkien aldaketak eginda) eta baita Azkoitia Lantzenek beharrezkoa duen diru bat eskuratzeko kreditu aldaketa bat ere. Horrez gain, PSOEk giza eskubideen alde aurkeztuta eta Bildurekin adostutako mozio bat eta Herrirak presoen eskubideen alde aurkeztutako beste bat ere onartu ziren atzoko saioan.
Hemen, atzoko plenoan onartutako gaien zerrenda