Berriak
Hizkuntz aniztasunaren garrantziaz
Zubiak Errotzen programaren barruan, eta Emun kooperatibako teknikari baten eskutik, hizkuntz aniztasuaren garrantziaz aritu ziren iragan larunbatean jatorri ezberdinetako hainbat azkoitiar. Hizkuntza ekologiaz aritu ziren, eta ondorio garbi bat atera zuten: hizkuntza aniztasunak aparteko garrantzia eta balioa duela gizarte anitz honetan. Horrez gain, herrian zenbat hizkuntza hitz egiten diren aztertzen ere aritu ziren, eta zenbaki zehatz bat ateratzea ezinezkoa dela onartu arren, 40 bat hizkuntza mintzatzen direla ondorioztatu zuten. Dozena bat lagunek hartu zuen parte mahai inguruan.
SMS Premiun mezuak direla eta, kontsumitzaileen informazio bulegotik oharra
SMS Mezuen inguruan kontsulta ugari jaso ditu azkenaldiak Kontsumitzaileen informazioroako udal bulegoak, eta hori dela eta, herritarrei ohar bat zabaltzea erabaki du: SMS Premiunak telefono mugikorrera bidalitako testu-mezuak dira, mezu arrunt bat baino garestiagoak dira, atxikita duten zerbitzua dela eta, identifikatzeko nahiko errezak izaten dira 5 edo 6 zifratako zenbakiak erabiltzen dituztelako zerbitzu gehigarri hoiek emateko. Kobratu telefonia operadoreak egiten ditu baina zerbitzuak beste enpresa batzuk ematen dituzte. Beraz era hontako arazorik ez edukitzeko norberak bere telefonia operadorari eskatu diezakeioke bere telefono mugikorra deskonektatzeko tarifikazio gehigarriako zerbitzuetatik, orduan SMS arruntak bakarrik jaso eta bidali ahal izango ditu.
Enplegu eta prestakuntza aukerak hobetzen dituzten proiektuak aurkezteko epea gaur amaitzen da
Ekonomia berpiztu eta enplegua sortzeko lanean jarri dira Urola Erdiko Udalak. Enplegu Plana abian jarri zuten, bailarako egoeraren diagnostikoa eginez, eta orain enplegu eta prestakuntza aukerak hobetzeko proiektuak diruz lagunduko dituzte. Laguntzak ematerako orduan, ekintzailetasuna eta autoenplegua sustatuko, kontratazioak sustatuko dituzten eskualdearen interes estrategikoei lotutako proiektuak baloratuko dira eta eskualdeko enpresen lehiakortasuna hobetzeko prestakuntza espezializatua finantzatuko dira, besteak beste. Proiektuak aurkezteko epea gaur amaituko da eta Azkoitiko Udalak, bertan parte hartzera animatu nahi ditu herritarrak. Informazio osoa wegbune honetan bertan duzue, horretarako bereziki prestatu dugun atalean (eskuineko barran).
Festa giro ederra asteburuan
Diputazioak asteazkenean aurkeztuko ditu aurrekontuak eskualdean
Gipuzkoako Diputazioa herritarrekin elkarlanean ari da 2013ko aurrekontuak prestatzen. Lehen aldi batean herritarren ekarpenak jaso zituen eta orain dagoeneko osatu dituen aurrekontuen inguruko azalpenak emango ditu. Gipuzkoako eskualde guztietan egingo ditu aurkezpenak, eta gurean datorren asteazkenean (hilak 28) egingo du, Azpeitian, Sanagustin kulturgunean. Bertaratu eta parte hartzera gonbidatzen ditu azkoitiarrak Udalak. Martin Garitano Ahaldun Nagusia eta Iñaki Errazkin Inguruen diputatua izango dira bertan.
Xabier Munibe ikastolako jolastokia asteburu eta jai egunetan ere irekita egongo da
Espazio publikoak herritarren eskura jarri eta ahalik eta erabilera zabalena emateko helburuarekin, Xabier Munibe ikastolako jolastokia asteburu eta jai egunetan ere irekitzea erabaki du Udalak. Hala, bihartik aurrera (azaroak 24), 09:00etatik 20:00etara erabili ahalko da jolastokia larunbat, igande eta jai egunetan.
Barrakak jartzeko aparkalekuak libre uzteko eskatzen du Udaltzaingoak
Asteleheneko (azaroak 26) goizeko 6:00etatik aurrera Trenbideraren Zumardia 1-9 zenbakien artean aparkalekuak libre uzteko eskatzen du Udaltzaingoak, toki horietan barrakak jarri behar dituztelako.
Azaroaren 25eko aldarrikapenarekin bat egin eta ekimenetan parte hartzera deitu ditu Udalak azkoitiarrak
Igandea, azaroaren 25a, Indarkeria Matxistaren Kontrako Nazioarteko eguna da. Emakumeenganako indarkeria egun gizarteak duen arazo larrienetakoa dela argi du Udalak, emakumeen eta gizonezkoen arteko desorekaren arteko adierazpen latzena dela ere bai, eta horri aurre egiteko ardura eta konpromisoa berretsi ditu. Azaroaren 25a salaketa eta hausnarketa eguna dela adierazi du Esther Lizarralde Berdintasun zinegotziak, eta horretarako antolatutako ekimenetan parte hartzera deitu ditu herritarrak; baina horrez haratago, indarkeria horren kontrako erreminta eraginkor eta zehatzak beharrezkoak direla adierazi du, eta helburu horrekin dagoeneko indarkeria matxistaren kontrako protokoloa eratzen ari direla.