Berriak
"Negozio Txikien Eskualdaketarako Gakoak" lan saioa, bihar Elkargunean
Askotariko arrazoiak izan ditzake pertsona batek bere negozioa uzteko erabakia hartzen duenean, besteak beste, adinagatiko erretiroa edo lanbidez aldatzeko nahia aipa daitezke. Dena den, negozioa errentagarria den kasuetan, bere jarduera guztiz eten eta itxiera saihesteko alternatiba da negozioen eskualdatzea.
Irailaren 27ko udal osoaren ohiko bilkuraren gai zerrenda
1.- Aurreko bilkuretako akten onespena, hala badagokio.
2.- Zubiaurre-Elkargune Institutuko kreditu gehigarri bidez kredituak aldatzeko 2
zenbakidun espedientearen hasierako onespena.
3.- Behin betiko onespenen berri ematea.
4.- Aurrekontuari buruzko informazioa.
5.- Galde-erreguak.
Udalak kirol egokitua sustatzen jarraitzen du adin guztietan
Udalak, Gipuzkoako Foru Aldundiarekin, Gipuzkoako Kirol Egokituen Federazioarekin eta Marea Urdinarekin lankidetzan, kirol egokitua sustatzeko apustuarekin jarraitzen du. Aniztasun funtzionala duten pertsona guztiek dute ariketa fisikoa egiteko aukera, haien adina edozein dela ere.
Gaur goizean ekimenaren sustatzaileek 2023-2024 ikasturterako diseinatutako kirol egokituaren eskaintza aurkeztu dute. Emandako urratsen artean, besteak beste, proiektuaren koordinatzaile bat izendatu da, kirol-saioak zuzentzeko eta aniztasun funtzionala duten pertsonei eta haien familiei aholkularitza eta laguntza emateko. Ikasturte honetarako txertatutako hobekuntzetako bat da.
Pasira, ibilaldi osasungarriak sedentarismoa saihesteko
Udako etenaldiaren ondoren, Udalak, hainbat eragilerekin lankidetzan, Pasira ekimenari ekin dio berriro. Ibilaldi osasungarriak dira, herritarren artean sedentarismoa saihestea eta osasun komunitarioa hobetzen laguntzea dute helburu. Proiektua duela bi urte jarri zen martxan esperientzia pilotu gisa, eta harrezkero sendotzen joan da izan duen harrera onari esker.
Ostegunero, 10:00etan, partaide taldea Aizkibel Liburutegiaren ondoan biltzen da, kideen profilera egokitutako ibilbidea oinez egiteko. Gaur goizean eman zaio hasiera berriro Pasirari. Parte hartu nahi duten guztiek hitzordua jarritako tokira agertu beharko dute esandako ordu eta egunean, alegia, ostegunetan 10:00etan.
Udalak urte amaiera bitarteko kultur agenda iragarri du
Abendura bitartean eskainiko diren kontzertuak, ikuskizunak eta antzezlanak iragarri ditu Udaleko Kultura sailak. Datozen asteetan eta urte amaiera arte, hamar emanaldi antolatu dira.
Kontzertuei dagokienez, irailaren 29an izango da lehena. Hauek taldeak Elkargunean eskainiko dute musika saioa. Urriaren 7an, Esti Markezen kontzertua izango da Baztartxo antzokian, eta azaroaren 18an, Zopilotes Txirriaos taldeak joko du Herriko plazan. Abenduaren 16an, Golden Apple Quartet taldeak agurtzeko antolatu duen biraren baitan ¡Vamos que nos vamos! ikuskizuna eskainiko du, eta urtea agurtzeko, berriz, abenduaren 30ean, Goiko Gela taldea izango dugu Baztartxoko oholtza gainean Elvis Gospel izenburua daraman emanaldia aurkezteko.
Aretxabaletako ur-depositua birgaitzeko lanak hastear daude
Udalak, Gipuzkoako Urak-en eskutik, hilabete honen amaieran emango die hasiera Floreaga auzoan dagoen Aretxabaletako ur-depositua birgaitzeko gauzatu beharreko jarduketei. Esku-hartzearen helburua da egituraren egoera orokorra hobetzea.
Lanek zortzi aste iraungo dute gutxi gorabehera, eta Iretsa ingeniaritza enpresak egingo ditu. Aurrekontua 87.848,94 eurokoa da (BEZa barne).
42. Bizenta Mogel Ipuin Lehiaketako oinarriak
Abian da Azkoitiko Udalak eta Azkoitiko Kultur Elkarteak elkarlanean antolatzen duten Bizenta Mogeil Ipuin Lehiaketaren beste edizio bat. Aurtengoa, 42.ena izango da, eta sustatzaileek lehiaketaren oinarriak argitaratu dituzte.
Hogeitaka ipuin
Bizenta Mogel Ipuin Lehiaketak iraun badu, idazleei eta irakurleei esker izan da. Hogeitaka ipuin aurkeztu izan ohi dira urtero, eta aurten ere sustatzaileek idazleak parte hartzera animatu nahi dituzte, ipuinik gabe ez baitago lehiaketarik.
Egiasmoak Bizenta Mogel euskaraz idatzi zuen lehen emakumea oroitzea du xede, euskara eta berdintasuna aldarrikatzearekin batera.
Esteban Elizondok gure Cavaillé-Coll organoaren 125. urteurrena dakar gogora bere azken liburuan
Bizitza osoa organoari eskaini dion Esteban Elizondo organistak gaur goizean bere liburu berria aurkeztu du, "La música escrita para órgano en España entre 1880 y 1980" izenburupean. Katedradun donostiarrak Azkoitian aurkeztu nahi izan du argitalpena, gure Cavaillé Coll organoaren 125. urteurrena gogoratuz, eta bertako organo-ondarea nabarmenduz. Parrokian izan da aurkezpena eta Ana Azkoitia alkatea bertan izan da.