Berriak
Madariagako ermita txiki geratu da gaur, San Isidro egunean
Madariagako ermita txiki geratu da gaur, San Isidro egunean. Jendetza gerturatu da baserritarren eguna ospatzera, eta giro ederrean igaro dute askok goiza. Usadioari jarraituz, San Isidroren irudiarekin prozesioa egin dute baseliza kanpoan, eta jarraian, meza eman du Fernando Prado Donostiako gotzainak, Felix Azurmendi parrokoarekin batera. Parrokiko abesbatzako kideek hartu dute parte, Jose Luis Frantzesena organistarekin batera. Eguerdi partea borobiltzeko, hamaiketakoaz gozatzeko aukera izan dute herritar zein auzotarrek, Agin Labururen eta Unai Agirreren bertsoak entzutearekin batera. Bertan izan da Ana Azkoitia alkateordea, beste hainbat udal ordezkarirekin batera.
Elkarguneko bazkideek beste herrietako kirol instalazioak erabili ahalko dituzte
Kirola sustatzeko eta kirola egiteko erraztasunak emate aldera, Azkoitiko Udala Eusko Jaurlaritzak, Gipuzkoako Foru Aldundiak eta hainbat udalek bultzatutako KirolTxartela Mugiment proiektura batu da. Horrela, Elkarguneko bazkideek egitasmora atxikita dauden beste herrietako kirol instalazioak erabili ahalko dituzte. Gaur egum Euskadiko 89 udalerri daude KirolTxartela Mugiment-en barruan, eta 155 instalazioa daude erabilgarri.
Zinegoak jaialdiko laburmentraiak ikusgai, LGTBIfobiaren aurkako Nazioarteko Egunaren harira
Gizarte justua, berdintasunezkoa eta askotarikoa aldarrikatzeko xedez, Udaleko Berdintasun arloak, Zinegoak-Bilboko LGTBIQ+ Naizoarteko Zinema eta Arte Eszenikoen Jaialdiarekin elkarlanean, laburmetraien emanaldia antolatu du, sexu, identitate eta genero aniztasuna bisibilizatzeko. Hitzordua maiatzaren 17an izango da, 18:00etan, Elkargunean, LGTBIfobiaren aurkako Nazioarteko Egunean, hain justu.
Gizarte hobeagorantz joateko, ezinbesteko baldintza da sexu orientazio edota genero identitatearen inguruan ematen diren eraso eta diskriminazio mota guztiak desagerraraztea. Horrek, tamalez, gaur egun oraindik kontzientziazio lanaren beharra agerian uzten du, eta horri erantzutea du helburu antolatutako saioak.
Egitaraua:
San Isidro egunean, astelehenean, Madariaga auzora joan-etorria egiteko autobusa jarriko da
San Isidro eguna ospatuko dute astelehenean, maiatzaren 15ean, Madariaga auzoan. Aurreko urteetan bezala, bertaratu nahi dutenentzat Udalak autobusa jarriko du. Autobusa 10:00etan eta 10:30ean aterako da Julio Urkixo 7 kaleko geralekutik (Eroski txiki aurretik). Bueltako ibilbidea egiteko, berriz, 13:30ean eta 14:00etan aterako da autobusa Madariagatik.
11:00etan meza izango da, Fernando Prado Donostiako gotzainaren eskutik. Meza ostean, luntxa eskainiko da eta bertsolariak arduratuko dira auzoa girotzeaz. Agin Laburu eta Unai Agirre arituko dira bertsotan.
Maiatzaren 27an izango da II. Trikiti Egune
Bazkarirako txartelak erosteko azken eguna maiatzaren 20a izango da
Azkoitiko herriak trikitia zainetan darama, eta horren erakusle izango da maiatzaren 27rako antolatu den II. Trikiti Egune. Iaz ekimenak izan zuen arrakasta ikusita, antolatzaileek ez dute aurten zalantzarik izan. Beste behin, trikitilari zaharren eta gazteen, eta trikiti ikasleen eta irakasleen bilgune izango da Azkoitia.
Triki Girok eta Udalak antolatu dute II. Trikiti Egune, Azkoittiko Tabernaixek taldearen laguntzarekin. Egitarauari dagokionez, iaz bezala San Martinen elkartuko dira trikitilariak 11:30ean, eta herrian kalez kale ibiliko dira. 13:30ean, kalejira handia egingo dute Julio Urkixo etorbidetik Herriko plazara, eta behin plazan, argazki erraldoia aterako dute.
Carlos Menak eta Manuel Minguillónek Juan de Anchieta omenduko dute larunbateko kontzertuan
Carlos Mena kontratenor gasteiztarrak eta Manuel Minguillon vihuelista madrildarrak eskainiko dute datorren larunbatean 31. Udaberriko Musikaldiko bigarren kontzertua. Juan de Anchietaren (Azpeitian, 1462-1523) omenezko errezitala izango da.
Kontzertua maiatzaren 13an, 18:30ean, izango da Santa Kutz komentuan. Ohi bezala, ordu erdi lehenago, 18:00etan, autobusa irtengo da Julio Urkixo 7 kaleko geralekutik, joan-etorria egin nahi dutenentzat. Bai kontzertua eta bai garraioa doan izango dira.
Merkataritza-lokalen alokairurako dirulaguntzak, ekintzaile berriei zuzenduta
Ekintzaile berrien aktibitateari esker, udalerriko lokal hutsetan aktibitatea sustatzeko xedez, alokairurako dirulaguntzak emango ditu Udalak. Eskaera egiteko epea zabalik dago.
Merkataritza-jarduera bat hasi nahi duten, edo belaunaldi aldaketa eman nahi duten ekintzaileei zuzenduta dago laguntza, eta hutsik dauden udalerriko lokalak berreskuratzea du helburu nagusi. Eskabideak urte osoan zehar aurkez daitezke, eta aurtengo deialdiari dagokionez, eskaera-epea abenduaren 4an amaituko da.
Dirulaguntza jaso ahal izateko, baldintzetako bat da ekintzaileak lokalaren jabearekin sinatutako alokairu-kontratuak gutxienez bi urteko iraupena izatea. Bi urte horietan, dirulaguntzaren zenbatekoa hileko alokairuaren prezioaren % 50 izango da, betiere, gehienez 250 euro.
Udalekuetan zaintza zerbitzua eskainiko da uztailean
Familia eta lana bateragarri egiteko asmoz, Udalak zaintza zerbitzua jarriko du aurten estrainekoz udalekuetan parte hartuko duten haurrei zuzenduta. Zerbitzua erabili ahalko dute Praka Motxakin udaleku programan, edo oporraldirako antolatutako beste zenbait ikastaro edo saiotan izena eman dutenek, hala nola, Kodeka Teknologia Udalekua-n edo Briko Udalekua-n.
Zerbitzua HH3 eta LH6 adin tarteko umeei eskainiko zaie, eta goizeko 7:00etatik 10:00etara emango da.